#MI ( mathématique et informatique )
.jpeg)
رياضيات و اعلام آلي ، فالسنة الاولى تقراوها جذع مشترك يعني عندكم des modules تاع رياضيات و عندكم des modules تاع اعلام آلي
و تلقاو الأغلبية تاع لي موديل نفسهم في مختلف الجامعات و كاي وين تلقاو دي موديل غي جامعة و في جامعة وحدوخرا ما تلقاوهمش بصح اذا ما قريتوهمش فالسنة الاولى تقراهم فالسنوات لخرين
المهم MI قراية مليحة بزاف
بصح تتطلب منكم جهد كبير يعني لازم تكونو خباشين باش تجيبو نقط مليحة و تديرو التخصص لي راكم حابينو فالسنة الثانية
و ااأغلبية تاع الطلبة يحبو يديرو تخصص اعلام ألي فالسنة الثانية كاين لي قلك على خاطر ساهلة على الرياضيات و كاين لي يقول فيها خدمة على خاطر كل الشركات و المؤسسات تخدم بالاعلام الالي و كاين لي عندو ميول ليها
نتما من الادمن يحط هذا المساج و اذا كان عندكم اسئلة حطوها فكومونتار و اذا قدرت راني نجاوبكم
حظ موفق للجميع
#بالنسبة للطلبة الجدد لي يحبو يختارو Mi
#اقوال طالب
هذا تخصص رياضيات و اعلام ٱلي تقراو سنة اولى مواد خاصة بالرياضيات و مواد خاصة بالاعلام الالي لي هما:
Analyse😬 هذي مادة تع رياضيات تشبه لي قريناها فالباك مي معمقة شوي عليها متتاليات و توابع و...
Algorithme🤐هذي مادة تع اعلام الي تقراو فيها الخواريزميات
Algébre😍 هذي مادة تع رياضيات جديدة
Structure machine😐 هذي تابعة للاعلام الالي بنية الآلة هذي المادة معروفة انك تفهمهاو تخدم فيها مع الاخر متجيبش فيها
Physique🙄 هذي المادة التي اتفق الطلاب بكل على كرهها 😒تقراو ميكانيك السماطة كان جات بنادم
Anglais🤗 هذي تعتمد بالاكثر على المكتسبات القبلية تعك
terminologie😌 هذي مادة تقراو فيها المصطلحات تع الرياضيات و الاعلام الالي بالفرونسي هذا مكان
// هذا بالنسبة للفصل الاول ام الفصل الثاني رح تقراو:
Analyse 2😬 تقراو فيها تكاملات و المعادلات التفاضلية
Algébre 2😍 تكملة تع جبر تع الفصل الاول
Algorithme 2😐 كيف كيف تكملة للفصل الاول
Structure machine 2😔 حتى هي تكملة للفصل الاول
Probabilité et statistique🤔 هذي مادة تع الاحتمالات و الاحصاء
Tic🙂 هذي تقراو فيها حوايج خاصين بالاعلام الالي كيما الانترنت و les réseaux....
Opm😋 هذي مادة تقراو فيها عل matlab يحتاجوها من بعد لي يكملو رياضيات
Physique 2🙄 هذي مادة هكك فرات يهبطولنا بيها المورال برك تقراو فيها الكهرباء
المهم كي تكملو عامكم عل خير و سلام رح تختارو من بعد العام الثاني وش تطلعو اسك رياضيات و لا اعلام الي اكيد كل واحد و ميولو
و ربي يكون معاكم و خلاص 🤲🏻🌹